« 唇膏 Maybelline Water Shine 3D Giltters | 網頁 | 手作 唇膏唇彩盤 »

2005.07.25

手作 雙色遮瑕盤

我有一雙千年黑眼圈，近年臉頰又多了暗瘡及微絲血管的問題，但找到質地合乎用途的遮瑕膏不易，要找到顏色完全吻合的比粉底更難，因為大部份品牌遮瑕膏的色號永遠少得可憐，兩全其美的產品我暫時還未找到．為了靚靚，又為了用完手上一堆顏色太深／太淺／太粉紅／太橙...的產品（雖然跟我吃過飯的人都知我”冇衣食”，偏食兼經常吃不完），半年多之前炮製了一個雙色遮瑕盤．

＠成本：約HK$15
＠製作耗時：十五分鐘

會想要兩個顏色的原因，是用過後覺得ff的雙頭遮瑕液十分有道理（可惜兩個色號我用都太淺色了）：
＠黑眼圈：比膚色略深，較黃較暗的效果最自然，由於塗抹範圍大，最怕畫出兩個白眼圈由熊貓變狸貓！另外，夠貼服及夠潤也很重要，因為我的眼下有不少細紋．
＠暗瘡及微絲血管：比膚色淺偏白色的遮蓋效果較佳，能抵消紅色調及痘疤的暗沉．質地以略乾較好，一則遮蓋力較佳，二則太潤容易令暗瘡惡化．

＠在水貨店買一個便宜的兩格彩盤，粉餅狀或膏狀不拘，為了”借屍還魂”，選個外型OK，不用太大，內容物易於清理的．這一個是在B連鎖店買入，叫ACMEDICA Point Concealer的雙色遮瑕盤，日本牌子，揭蓋式使用比較方便，沒有附鏡子，但勝在價格超低．裝著彩膏的金屬盤可輕易撬出，抹掉餘下的粘膠．清洗，晾乾．
＠把液狀或膏狀的遮瑕擠進格子中，用牙簽混合至合意的顏色．份量不用太多，寧可用完再調會比較衛生．
＠在黑眼圈用的一格中我加入了一點金色細珠光液狀眼影，效果不錯．另外第一次調時是冬季，我混入了一點跟霜令它滋潤，不過太概因為沒有乳化劑所以在天氣轉暖時油份會滲出來，最近調第二次沒有再加．
＠用手指或掃沾取遮瑕膏使用．如果發見變乾變硬可以加一兩滴保濕化妝水．

22:35 Iolite 發表於 化妝雜談 Makeup - misc , 手作 Crafts | 永久網址

留言

你知唔知邊到仲有得買ACMEDICA Point Concealer的雙色遮瑕盤？？？

發表人: Vincci | 2005.07.29

>>Vincci,

你係第一位留言既訪客，仲要係香港人，多謝多謝！

好耐之前買架，近期行街都唔多見有得賣咯，淨係響旺角弼街天橋底果間B記見過一件，但係好”飽歷風霜”．佢個卡紙包裝都幾殘下，仲用透明膠裝再包番好，唔知係咪”原封”不動，而且驚件貨舊．

．如果你係買來搽，我恐怕唔係咁幫到你了
．如果係買來DIY，無妨，掉鬼左Ｄ內容物，再清潔消毒都得
．搵唔到的話，As連鎖店有Ｄ超平雙色唇彩盒，包裝同呢個好似的
．或者睇下Ｄ平平地既眉粉／眼影盤？尤其有Ｄ日本少女牌子個盒幾ＯＫ架

發表人: Iolite | 2005.07.30

可以試試Becca的遮瑕膏, 有三十幾種顏色.

發表人: CharmeC | 2005.12.19